2026 தேர்தலை நோக்கி: “விஜய் Declining, சீமான் Rising” – ரவீந்திரன் துரைசாமி கணிப்பு

தமிழக அரசியல் சூழல் 2026 சட்டமன்றத் தேர்தலை முன்னிட்டு வேகமாக மாறிக்கொண்டிருக்கிறது. இந்த நிலையில் அரசியல் விமர்சகர் ரவீந்திரன் துரைசாமி, தற்போதைய வாக்காளர் மனநிலையையும் கட்சிகளின் வளர்ச்சிப் பாதையையும் ஆராய்ந்து சில முக்கியமான கருத்துகளை முன்வைக்கிறார்.

அவரின் பார்வையில், மாற்றத்துக்காக புதிய அரசியல் முகங்களை எதிர்பார்த்த வாக்காளர்கள் முதலில் விஜய் மீது கவனம் செலுத்தினார்கள். ஆனால், அவர் முழுநேர அரசியல்வாதியாக இன்னும் நிலைநிறுத்தப்படவில்லை என்ற எண்ணம் மக்களிடம் உருவாகியுள்ளது. இதற்கு மாறாக, சீமான் ஒரு தெளிவான கோட்பாடு கொண்ட, தொடர்ச்சியான அரசியல் செயற்பாட்டாளராக தன்னை நிலைநிறுத்தியுள்ளார். இந்த “permanent leader vs part-time politician” என்ற perception, வாக்கு மாற்றத்துக்கு வழிவகுக்கும் என்று அவர் கூறுகிறார்.

வாக்கு சதவீத வளர்ச்சியைப் பற்றி பேசும்போது, நாம் தமிழர் கட்சி ஆரம்பத்தில் மிகவும் குறைந்த அளவில் இருந்தாலும், இன்று அது கணிசமாக உயர்ந்துள்ளதாக அவர் சுட்டிக்காட்டுகிறார். சரியான அரசியல் சூழ்நிலை உருவானால், இந்த ஆதரவு மேலும் இரட்டிப்பு அளவிற்கு வளரக்கூடிய வாய்ப்பு இருப்பதாகவும் அவர் மதிப்பிடுகிறார். குறிப்பாக, தேர்தலுக்கு முன் குறுகிய காலத்திலேயே தரை மட்டத்தில் மக்களின் உண்மை பிரச்சினைகளை எடுத்துச் சொல்வது இந்த வளர்ச்சியை வேகப்படுத்தும் என்று வலியுறுத்துகிறார்.

சமூக அடிப்படையிலான ஆதரவு வளர்ச்சியும் இதில் முக்கிய பங்கு வகிக்கிறது. பல்வேறு சமூகங்களைச் சேர்ந்த மக்களிடம் சமூகநீதி, இடஒதுக்கீடு போன்ற பிரச்சினைகளை முன்வைத்து, நாம் தமிழர் கட்சி ஒரு பரவலான reach உருவாக்கியுள்ளது. இந்த ஆதரவை சரியாக வாக்குகளாக மாற்ற முடிந்தால், அது பெரிய அரசியல் பலமாக மாறும் என்பதே அவரது கருத்து.

மேலும், சில திரைப்பட இயக்குநர்கள் மற்றும் பிரபலங்கள் சீமான் சட்டமன்றத்தில் இருக்க வேண்டும் என்று வெளிப்படையாக ஆதரவு தெரிவிப்பது, அவர் பொதுமக்களோடு நெருக்கமாகவும் சமமாகவும் பழகும் ஒருவராக உருவாகியுள்ள image-ஐ வலுப்படுத்துகிறது. இதற்கு மாறாக, விஜய்க்கு அவருடைய சுற்றத்திலேயே உறுதியான அரசியல் ஆதரவு தெளிவாக இல்லை என்ற விமர்சனத்தையும் அவர் முன்வைக்கிறார்.

அதே நேரத்தில், முன்பு கமல்ஹாசன் அரசியலுக்கு வந்தபோது ஏற்பட்ட “மாற்ற ஓட்டு” எப்படி சீமான் பக்கம் மாறியது என்ற மாதிரியாக, தற்போது விஜயை மையமாகக் கொண்டு உருவாகும் ஓட்டுகளும் எதிர்காலத்தில் அதே திசையில் நகரலாம் என்று அவர் ஒப்பிடுகிறார்.

விஜயின் அரசியல் நடைமுறைகளில் காணப்படும் குழப்பம்—கூட்டணி குறித்து தெளிவில்லாமை, இடைத்தேர்தல்களில் பங்கேற்காதது போன்றவை—அவரை ஒரு “சந்திர்ப்பவாதி” என்ற கோணத்தில் காட்டுகிறது. இது மறைமுகமாக சீமான் மற்றும் நாம் தமிழர் கட்சிக்கு சாதகமான சூழலை உருவாக்குகிறது என்று அவர் விளக்குகிறார்.

சமூக அரசியலின் கோணத்திலும் அவர் ஒரு முக்கியமான புள்ளியை முன்வைக்கிறார். இந்த தேர்தல் தேசிய அரசியலை மையமாகக் கொண்டதல்ல; மாறாக, மாநில அரசியல் மற்றும் சமூக அடையாளங்களை மையமாகக் கொண்டது. குறிப்பிட்ட சமூகங்களின் வாக்கு நிலைப்பாடு, எதிர்கால அரசியல் முக்கியத்துவத்தை நிர்ணயிக்கும் ஒரு கருவியாக பயன்படுத்தப்படலாம் என்பதே அவரது வாதம்.

மொத்தத்தில், நகரப்பகுதிகளில் அதிகரித்து வரும் கூட்டங்கள், சமூக ஊடகங்களில் கிடைக்கும் பெரிய அளவிலான ஆதரவு போன்றவற்றை வைத்து, தற்போதைய அரசியல் போக்கை “Vijay declaring, Seeman rising” என்று அவர் சுருக்கமாக வரையறுக்கிறார்.

இறுதியாக, சரியான பிரச்சாரத் திட்டம் மற்றும் தரை மட்ட அரசியல் அணுகுமுறை இருந்தால், 2026 சட்டமன்றத் தேர்தலில் நாம் தமிழர் கட்சி கணிசமான முன்னேற்றத்தைப் பதிவு செய்யும் வாய்ப்பு அதிகம் என்று ரவீந்திரன் துரைசாமி உறுதியாகக் கூறுகிறார்.